Somali Təhlükəsizlik nazirinin müavini Abdinasir Səid Musanın avtomobili paytaxt Moqadişoda terrorçuların hücumuna məruz qalıb.
APA RİA Novosti-yə istinadən xəbər verir ki, bu barədə "Garowe Online" internet qəzetində məlumat dərc edilib.
Yerli vaxtla təxminən 7.30-da baş verən hadisə nəticəsində bir nəfər ölüb, 3 nəfər yaralanıb.
Terror hadisəsi partlayıcı qurğunun işə salınması ilə həyata keçirilib.
Hələlik terror qruplaşmalardan heç biri məsuliyyəti üzərinə götürməyib.