Süveyş kanalını bağlayan gəmidən yüklərin boşaldılacağı vaxt açıqlanıb

Süveyş kanalını bağlayan gəmidən yüklərin boşaldılacağı vaxt açıqlanıb
  • Clock-gray 02:59
  • calendar-gray 29 Mart 2021

Süveyş kanalında torpağa oturan “Ever Given” konteyner gəmisindəki yüklərin boşaldılmasına çərşənbə axşamı (martın 30-da) başlamaq mümkün olacaq.

APA “RİA Novosti”yə istinadən xəbər verir ki, bu barədə Misir prezidenti Əbdül Fəttah əs-Sisinin dəniz limanları üzrə müşaviri Mohab Məmiş bildirib.

“Konteyner gəmisinin boşaldılmasına birisi gün, yəni çərşənbə axşamı günü, gəminin yedəklər vasitəsilə çəkilməsi üçün bütün imkanlar tükəndikdən sonra başlanılacaq”, - M.Məmiş “Sky News Arabia”ya verdiyi müsahibəsində belə deyib.

O qeyd edib ki, konteynerləri üzərində daşımaq üçün üzə bilən avadanlıqlar lazım olacaq.

Məlumatlara görə, kanalın ortasındakı Böyük Acı gölündə azı 44 gəmi, kanalın girişində isə 300-dən çox gəmi keçid üçün növbə gözləyir.

Sərxan Kamallı

Digər xəbərlər