Əlcəzairin sabiq Baş Naziri Abdelmacid Tebbuni prezident seçkisində qələbə qazanıb.
APA-nın "Sputnik"ə istinadən verdiyi xəbərə görə, Əlcəzairin seçki komissiyası Tebbuninin səslərin 58 faizini topladığını bildirib.
Seçici fəallığı 40 faiz olub.
Xatırladaq ki, keçmiş prezident Abdelaziz Bouteflika 2019-cu ilin fevralında prezident seçkisində iştirak edəcəyini bəyan etdikdən sonra ölkədə genişmiqyaslı etiraz aksiyaları başlamış və o, aprel ayında istefa verməyə məcbur olmuşdu.