Myanmanın cənub-şərqindəki Mon ştatında sürüşmə zamanı ölənlərin sayı 41 nəfərə çatıb.
APA-nın Rusiya mətbuatına istinadən verdiyi xəbərə görə, sürüşmə güclü yağışlar nəticəsində baş verib.
Yağıntının səviyyəsinin yüksək olması səbəbindən bir neçə qəsəbəni su basıb, məktəblər müvəqqəti olaraq bağlanıb.
BMT-nin humanitar məsələlər üzrə İdarəsinin məlumatlarına əsasən son iki gün ərzində Mynanmada daşqın nəticəsində 12 minə yaxın insan evini tərk edib. Hazırda evakuasiya məntəqələrində yerləşən insanların sayı 38 mini keçib.