ABŞ-ın Merilend ştatının Baltimor şəhərində çoxmərtəbəli yaşayış binasında partlayış baş verib.
APA TASS-a istinadən xəbər verir ki, bu barədə şəhər Yanğınsöndürmə xidmətinin rəsmi “Twitter” səhifəsində məlumat yerləşdirilib.
Bildirilib ki, partlayış nəticəsində 23 nəfər yaralanıb: “Xəsarət alanlardan 21 nəfər xəstəxanaya yerləşdirilib, onlardan 1-nin vəziyyəti ağırdır”.
Partlayışdan sonra binanın damı qismən çöküb.
Hadisənin başvermə səbəbləri barədə məlumat verilməyib.