“ABŞ-ın 16 ştatında yeni növ koronavirusa yoluxanların sayında artım qeydə alınıb, qalan 34 ştatda isə vəziyyət sabitdir”.
APA TASS-a istinadən xəbər verir ki, bunu ABŞ-ın Vitse-prezidenti Maykl Pens mətbuat konfransında bildirib.
Qeyd edilib ki, sözügedən 16 ştatda vəziyyət dövlət tərəfindən ciddi nəzarətə götürülüb:
“İnfeksiyanın artması əsasən cənub ştatlarında, xüsusilə Arizona, Texas və Florida ştatlarında qeydə alınır. Yoluxanların yarısı yaşı 25-dən aşağı olan vətəndaşlardır”.
Pens ölkədə yoluxma sayının son sutkada 40 min olmasına baxmayaraq, koronavirusla mübarizədə əlamətdar bir irəliləyişin əldə edildiyini vurğulayıb.
Vitse-prezident ABŞ-da 2,5 milyon koronavirus infeksiyası hadisəsinin qeydə alındığını, təxminən, 126 min insanın öldüyünü deyib.
Milli Allergiya və Yoluxucu Xəstəliklər İnstitutunun direktoru Entoni Fauci isə ABŞ-da "yeni dalğa"nın mövcud olduğunu diqqətə çatdırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
