Almaniyada təyyarə evə çırpılıb, ölənlər var

Almaniyada təyyarə evə çırpılıb, ölənlər var
  • Clock-gray 20:58
  • calendar-gray 25 İyul 2020

Almaniyanın Şimali Reyn-Vestfaliya federal əyalətindəki Vesel şəhərində yüngülmühərrikli təyyarə yaşayış binasına çırpılıb, nəticədə azı üç nəfər ölüb.

APA xəbər verir ki, bu barədə “FOCUS Online” nəşri polisə istinadən məlumat yayıb.

Məlumata görə, hadisə nəticəsində xəsarət alanlar da olub, onların arasında uşaq da var.

“Frankfurter Allgemeine Zeitung” qəzetinin verdiyi məlumata görə, hadisə nəticəsində iki nəfər ölüb, iki nəfər də xəsarət alıb. Evdə bir və ya iki ailənin yaşadığı deyilir.

Aviaqəzanın səbəbi hələ müəyyənləşdirilməyib.

apa-logo-mini

Digər xəbərlər