ABŞ Prezidenti Donald Tramp ölkənin dərman şirkətlərindən Böyük Britaniyanın Baş naziri Boris Consonun müalicəsinə yardım etməyi xahiş edib.
APA-nın BBC-yə istinadən xəbərinə görə, bu barədə Donald Tramp brifinqdə bildirib: "Mən iki aparıcı şirkətə müraciət etmişəm. Onlar indiyədək Ebola, QİÇS-lə bağlı müalicələr təqdim ediblər və inanılmaz işlər görüblər. Bu şirkətlərin həqiqətən çox yüksək səviyyəli müalicə metodları var".
ABŞ Prezidenti bildirib ki, bu şirkətlərin Londonda da ofisləri var: "Artıq Boris Consonun bütün həkimləri ilə əlaqə saxlamışıq. Gözləyək görək, hadisələr necə davam edir".
Qeyd edək ki, koronavirusa yoluxan Böyük Britaniyanın Baş Naziri Boris Consonun vəziyyəti pisləşdiyindən o, aprelin 6-da reanimasiya şöbəsinə yerləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
