Dünyada koronavirusa yoluxanların sayı 20 milyonu ötüb
-
08:24
-
10 Avqust 2020
“Dünyada koronavirusa yoluxanların sayı 20 milyonu keçib”.
APA xəbər verir ki, bu barədə ABŞ-ın Cons Hopkins Universitetinin bu gün açıqladığı son hesabatında bildirilib.
Qeyd edilib ki, dünyada yeni növ virusdan ölənlərin sayı 733 139-a çatıb. Sağalanların sayı isə 12 882 472 nəfərdir.
ABŞ ən çox zərər görən ölkə kimi liderdir: 5 196 521 yoluxma, 165 564 ölüm.
Braziliya dünyada yoluxma sayına görə ikincidir - 3 035 422 nəfər.
Hindistan, Rusiya, Cənubi Afrika və Meksika da pandemiyanın ağır təsirinə məruz qalmış ölkələr sırasındadır.
Hazırda yoluxma sayının sıfıra endiyi Çində bu günə qədər 4680 ölüm, 88 452 yoluxma qeydə alınıb, 81 593 nəfər sağalıb.
Qeyd edək ki, keçən ilin sonlarından baş qaldıran koronavirus pandemiyası 213 ölkəni əhatə edib.
Digər xəbərlər
