ABŞ-ın San-Dieqo şəhər zooparkında dünyada ilk dəfə qorillanın koronavirusa yoluxması faktı qeydə alınıb.
APA “RİA Novosti”yə istinadən xəbər verir ki, bu barədə safari-parkın rəsmi internet saytında məlumat yerləşdirilib.
“San-Dieqo zooparkının Safari-parkında bir qrup qorilladan COVID-19 mənşəli SARS-CoV-2 virusuna qarşı götürülmüş testlər müsbət nəticələnib. Yanvarın 6-da qorillaların ikisi öskürməyə başlayıb. Yanvarın 11-də ABŞ Kənd Təsərrüfatı Nazirliyinin Milli Baytarlıq Xidmətinin laboratoriyaları testlərin müsbət nəticə verdiyini təsdiqləyib”, - deyə məlumatda qeyd olunub.
Ehtimal olunur ki, heyvanlar koronavirusa virus simptomları müşahidə edilməyən xəstə park işçilərinin birindən yoluxub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
