Kanada Milli Hava Bürosu şiddətli şaxtaların başlaması ilə əlaqədar əhaliyə xəbərdarlıq edib.
APA TASS-a istinadən xəbər verir ki, Kanadanın bəzi bölgələrində havanın temperaturunun mənfi 50 dərəcəyə enməsi gözlənilir.
Şiddətli şaxtaların ölkənin, əsasən, Yukon, Şimal-qərb əraziləri, Alberta, Kvebek, Ontario, Nyufaundlend və Labrador əyalətlərini əhatə edəcəyi bildirilib.
Ontario və Britiş Kolumbianın cənubunda, habelə Nova Şotlandiyanın şimalında 15-25 sm qalınlığında qar yağacağı ehtimal edilib.
Həddindən artıq soyuq və güclü yağış yağması nəticəsində Kanadanın bu bölgələrində məktəblərin bağlanacağı gözlənilir.
Bu qərar hələlik yalnız Nova Şotlandiyada tətbiq edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
