ABŞ-ın Los-Anceles şəhərində və Kaliforniya ştatının digər cənub şəhərlərində afroamerikalı Corc Floydun ölümü ilə əlaqədar keçirilən etiraz aksiyaları və iğtişaşlar zamanı təxminən 3 min nəfər saxlanılıb.
APA xəbər verir ki, bu barədə “Los Angeles Times” qəzeti yazıb.
Nəşr mayın 29-dan statistik araşdırma aparır. Onların böyük hissəsi qarət, sındırma ilə oğurluq və vandalizm əməllərinə görə saxlanılıb. Nəşr bildirir ki, Los-Ancelesin mərkəzində polisin gördüyü tədbirlər nəticəsində iyunun 2-si gecə vaxtı heç bir qarət faktı qeydə alınmayıb.