Meksikada Şimal-Şərqi narkokartelin üzvləri olduğu ehtimal edilən silahlılar Vilya Unyon bələdiyyəsi administrasiyasına hücum edib, nəticədə 5 nəfər ölüb.
APA “RİA Novosti”yə istinadən xəbər verir ki, bu barədə Koauila ştatının rəhbərliyi məlumat yyaıb.
Şimal-Şərqi kartel üzvü olduğu güman edilən şəxslər Vilya Unyon bələdiyyəsi administrasiyasının binasına və polis bölməsinə hücum edib, nəticədə 5 silahlı şəxs öldürülüb”, - deyə məlumatda qeyd olunur.
Şahidlərin bildirdiyinə görə, cinayətkarlar 5 min əhalisi olan şəhərciyə yeddi avtomobildə gəliblər və dövlət binalarına atəş açıblar. Bundan sonra polis, prokurorluq və ordu qüvvələrinin birgə əməliyyatı çərçivəsində cinayətkarların atəş açdığı zirehli avtomobil məhv edilib.