Meksikada reabilitasiya mərkəzinə hücum zamanı 24 nəfər ölüb

Meksikada reabilitasiya mərkəzinə hücum zamanı 24 nəfər ölüb
  • Clock-gray 07:32
  • calendar-gray 02 İyul 2020

Meksikada narkotik asılılığı olanlar üçün nəzərdə tutulmuş qeyri-qanuni reabilitasiya mərkəzinə silahlı hücum nəticəsində 20-dən çox insan öldürülüb, daha yeddi nəfər yaralanıb.

APA “RİA Novosti”yə istinadən xəbər verir ki, bu barədə Quanaxuato ştatının polis rəisi Pedro Kortes Alkala bildirib.

“Yeddi nəfər yaralanıb, daha 24 nəfər hadisə yerində ölmüş vəziyyətdə aşkar olunub”, - ştat polisinin rəhbəri belə deyib.

Pedro Kortes Alkala insident zamanı qaçırılan vətəndaşların olub-olmaması barədə bir fikir bildirməyib, ancaq onu əlavə edib ki, “Həyatımı geri qaytarıram” adlanan müəssisə qeyri-qanuni fəaliyyət göstərib.

Yerli KİV-in məlumatına görə, Meksikanın mərkəzindəki İrapuato şəhərində baş vermiş silahlı hücum üç yük maşını ilə gələn qrup üzvləri tərəfindən törədilib. Hadisə yerinə ştat və bələdiyyənin polis qüvvələri, ordu və milli qvardiyaçılar cəlb olunub.

apa-logo-mini

Digər xəbərlər