Nyu-York ştatında son 24 saat ərzində koronavirusdan 139 nəfər ölüb, bir gün əvvəl isə dünyasını dəyişənlərin sayı 157 idi.
APA RİA Novosti-yə istinadən xəbər verir ki, bu barədə ştatın qubernatoru Endryu Kuomo mətbuat konfransında bildirib.
O qeyd edib ki, xəstəxanaya yerləşdirilənlərin, eləcə də süni tənəffüs cihazına qoşulanların sayı azalmaqda davam edir: “Şənbə günü 374 nəfər xəstəxanaya yerləşdirilib. Yoluxmanın ən ağır dönəmində isə hər gün 3 mindən çox insan xəstəxanalara müraciət edirdi”.
Kuomo əlavə edib ki, sutkalıq ölüm nisbəti martın 26-da qeydə alınan səviyyəyə qədər azalıb.