ABŞ Konqresinin Nümayəndələr Palatasının spikeri, Demokratlar Partiyasını təmsil edən Nensi Pelosi Senatda azlıqların lideri, partiya yoldaşı Çak Şumerin ardınca hazırkı prezident Donald Trampın hakimiyyətdən kənarlaşdırılması üçün ABŞ Konstitusiyasına 25-ci düzəlişin müddəalarından istifadə edilməsinin lehinə çıxış edib.
APA xəbər verir ki, bu barədə TASS yazıb.
“25-ci düzəlişdən dərhal istifadə edərək bu prezidenti hakimiyyətdən kənarlaşdırması üçün Demokratların Senatdakı liderinin vitse-prezidentə ünvanladığı çağırışına qoşuluram. Əgər vitse-prezident və kabinet bir tədbir görməzsə, Konqres impiçmentə doğru addım atmağa hazır ola bilər. Bu, mənim fraksiyamın rəyidir”, - deyə Pelosi vurğulayıb.
Onun fikrinə görə, seçki nəticələrinə etiraz edənlərin Konqres binasına hücumları “ABŞ prezidenti tərəfindən təhrik edilən bir hərəkətdir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
