ABŞ Dövlət katibi Mayk Pompeo Şərqi Aralıq dənizi bölgəsindəki vəziyyəti müzakirə etmək üçün Cənubi Kipr Respublikasına səfər edəcək.
APA “TASS”-a istinadən xəbər verir ki, amerikalı xarici siyasət idarəsinin rəhbəri yunan Kiprinə əfqanlararası sülh danışıqlarının müzakirəsi üçün iştirak etdiyi Qətərdən uçacaq.
Larnaka beynəlxalq hava limanına gəldikdən sonra Pompeo Kiprin paytaxtı Nikosiyaya yola düşəcək. Orada onu prezident sarayında Kipr Respublikasının başçısı Nikos Anastasiadis və həmkarı, Kipr Respublikasının xarici işlər naziri Nikos Xristodulidis qəbul edəcək.
Qətərin paytaxtı Dohaya gedərkən Pompeo təyyarədə jurnalistlərə Şərqi Aralıq dənizindəki münaqişənin sülh yolu ilə və diplomatik yolla həll edilməli olduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
