Tramp İranı 52 hədəfə zərbə endiriləcəyi ilə hədələyib

Tramp İranı 52 hədəfə zərbə endiriləcəyi ilə hədələyib
  • Clock-gray 03:36
  • calendar-gray 05 Yanvar 2020

ABŞ Prezidenti Donald Tramp ABŞ-a məxsus obyektlərə hücum ediləcəyi təqdirdə İranın 52 hədəfinə "sürətli və güclü zərbə" etdiriləcəyini bəyan edib.

APA xəbər verir ki, bu barədə Tramp rəsmi “Twitter” səhifəsində yazıb.

ABŞ Prezidenti qeyd edib ki, bu, bir xəbərdarlıqdır: "İran amerikalılara və ya ABŞ-ın əmlakına hücum edərsə, İranın 52 mövqeyini hədəfə alacağıq (illər əvvəl İran tərəfindən tutulan 52 ABŞ girovuna görə)”. 

O, əlavə edib ki, bu hədəflər İran və İran mədəniyyəti üçün çox əhəmiyyətli və vacıbdır: "Həmin hədəflərə və İrana zərbələr tez və sərt şəkildə endiriləcək. ABŞ artıq heç bir təhdid istəmir”.

Rəşad Sarıyev

Digər xəbərlər