Trampın tərəfdarları mitinq keçirməyə hazırlaşır

Trampın tərəfdarları mitinq keçirməyə hazırlaşır
  • Clock-gray 00:39
  • calendar-gray 02 Yanvar 2021

ABŞ-da prezident seçkilərində məğlubiyyətini qəbul etməyən Donald Trampın tərəfdarları 6 yanvar tarixində mitinq keçirəcək. Həmin gün həm də Konqresin hər iki palatası səsvermə nəticələrini rəsmi olaraq təsdiqləyəcək.

APA xəbər verir ki, bu barədə Tramp özünün “Twitter” səhifəsində bildirib.

“6 yanvarda saat 11:00-da (Bakı vaxtı ilə 20:00) Vaşinqtonda böyük bir etiraz mitinqi keçiriləcək”, - yazan Tramp mitinqin yeri barədə daha sonra məlumat veriləcəyini qeyd edib.

Qeyd edək ki, yanvarın 6-da ABŞ Konqresinin Senatı və Nümayəndələr Palatası 14 dekabr tarixində Seçki Kolleciyasının keçirdiyi səsvermə nəticələrini rəsmi olaraq təsdiqləməlidir. Həmin nəticələrə əsasən, Cozef Bayden ABŞ-ın növbəti prezidenti seçilib.

apa-logo-mini

Digər xəbərlər