Braziliya prezidenti Jair Bolsonaru oğlu Eduardo Bolsonarunu ABŞ-a səfir təyin etmək niyyətindədir.
APA-nın “Guardian”a istinadən verdiyi xəbərə görə, Braziliya prezidenti bu barədə yerli mətbuata açıqlamasında bildirib.
“Onun ABŞ prezidenti Donald Trampın övladları ilə yaxşı münasibətləri var. Eduardo Bolsonaru ingiliscə və fransızca danışır, həm də çox təcrübəlidir. Düşünürəm ki, o, bu posta tam uyğundur və Vaşinqtonda böyük işlər görə bilər”, - Braziliya prezidenti vurğulayıb.
Prezidentin oğlu isə jurnalistlərə açıqlamasında bildirib ki, əgər bu posta onun namizədliyi irəli sürülərsə o, Konqresdən istefa verəcək.
E. Bolsonaru əlavə edib ki, onun səfir postuna təyinatı atası ilə ölkənin xarici işlər naziri arasında danışıqların nəticəsindən asılıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
