Çilidə 6,2 bal gücündə zəlzələ baş verib.
APA "TASS" agentliyinə istinadən xəbər verir ki, bu barədə Avro-Aralıq dənizi Seysmoloji Mərkəzi məlumat yayıb.
Məlumata görə, zəlzələnin episentri ölkənin paytaxtı Santyaqodan 183 km şimalda, təxminən 5 milyon əhalisi olan bir bölgədə yerləşib. Yeraltı təkanların ocağı isə təxminən 40 km dərinlikdə yerləşir.
Zəlzələ nəticəsində xəsarət alanlar və dağıntılar barədə məlumat verilməyib.