Çilinin paytaxtı Santyaqoda oyun zallarının birində silahlı insident törədilib, nəticədə 5 nəfər ölüb.
APA “TASS” agentliyinə istinadən xəbər verir ki, bu barədə yerli polis məlumat yayıb.
Bildirilir ki, zala gələn naməlum silahlı şəxs orada insanlara atəş açıb. Hadisə zamanı 40-dan çox güllə səslərinin eşidildiyi deyilir.
Ehtimal olunur ki, insident şəxsi münaqişə səbəbindən baş verib. Silahlı şəxs atəş açdıqdan sonra qaçıb.