ABŞ dövlət katibi Mayk Pompeo prezident Donald Trampın İranla ilkin şərtsiz danışıqlara hazır olduğunu təsdiqləyib.
APA “RİA Novosti”yə istinadən xəbər verir ki, o, Buenos-Ayresdə keçirdiyi mətbuat konfransında belə deyib.
“Prezident Tramp aydın şəkildə çatdırıb ki, biz ilkin şərtlər olmadan İranla danışıqlara başlamağa hazırıq. İranlılar davamlı olaraq deyirlər: “ABŞ bir addım atarsa, biz də danışıqlara başlayarıq”, - deyə Pompeo bildirib.
Onun sözlərinə görə, danışıqlar – “problemin həlli üçün doğru yoldur”.