Qvatemala sahillərində 5.5 bal gücündə zəlzələ baş verib.
APA-nın ABŞ Geoloji Xidmətinə istinadən xəbər verir ki, zəlzələ ocağının dərinliyi 60 kilometr, episentri isə Puerto San Xosedən 32 kilometr məsafədə olub.
Avropa-Aralıq dənizi Seysmoloji Mərkəzi isə təbiət hadisəsinin 5.4 bal gücündə olduğunu bildirib.
Qeyd edək ki, zəlzələ nəticəsində zərərçəkənlər və dağıntılar barədə məlumat verilməyib.