ABŞ-ın Riçmond şəhərində Virciniya Birlik Universitetinin kampusunda baş verən atışma nəticəsində 2 nəfər ölüb.
APA xəbər verir ki, bu barədə ABC8 telekanalı məlumat yayıb.
İnsident zamanı 13 nəfərin yaralandığı bildirilir.
Şahidlərinin sözlərinə görə, orta məktəbin buraxılış mərasiminin keçirildiyi “Altriya” teatrının yaxınlığında 30-a yaxın atəş açılıb. Hadisə ilə bağlı bir nəfər saxlanılıb, şübhəlilər haqqında məlumat və atışmanın səbəbləri açıqlanmır.
***
Saat 03:53
ABŞ-nin Riçmond şəhərində naməlum şəxs Vircina Birlik Universitetinin kampusunda atəş açıb.
APA xəbər verir ki, bu barədə NBC məlumat yayıb.
Hadisə nəticəsində 5 nəfərin yaralandığı ehtimal edilir.
Telekanalın məlumatına görə, hücum edən şəxs hələ də saxlanılmayıb.