Çilidə prezident seçkilərinin yekun nəticəsi elan olunub.
APA-nın TASS-a istinadən verdiyi xəbərə görə, Çili Mərkəzi Seçki Komissiyası səslərin 100%-nin hesablanmasından sonra solçu koalisiyanın namizədi Qabriel Boriçin seçkilərdə qələbə qazandığını elan edib.
Rəsmi məlumatlara görə, seçicilərin 55,87%-i səsini Boriçə, 44,13%-i isə səsini Respublika Partiyasının namizədi Xose Antonio Kastaya verib.
35 yaşlı Boriç ölkə tarixinin ən gənc Prezidenti olacaq. Onun inauqurasiya mərasimi 2022-ci il martın 11-də keçiriləcək.