ABŞ-da rusiyalı diplomatların sayı Rusiyadakı ABŞ diplomatlarından daha çoxdur
APA-nın məlumatına görə, Dövlət Departamentinin sözçüsü Ned Prays bəyan edib.
“Biz Moskvada ABŞ-dakı ruslarla eyni saya ümid edirik. Bu, diplomatik münasibətlərimizdə bütün dünyada təcəssüm etdirməyi gözlədiyimiz qarşılıqlılıq prinsipidir”, - Prays bildirib.
O vurğulayıb ki, dövlətlər diplomatik missiyaların işində irəliləyiş görmək istəyirlər.
Praysın sözlərinə görə, Moskva ABŞ diplomatik missiyasında personalın sayına məhdudiyyətlər qoyub və bu, missiyanın imkanlarını ciddi şəkildə məhdudlaşdırıb.