ABŞ dövlət katibi Entoni Blinken Ermənistan xarici işlər naziri Ararat Mirzoyanla görüşəcək.
APA xəbər verir ki, bu barədə ABŞ Dövlət Departamenti məlumat yayıb.
Bildirilib ki, görüş Ermənistan XİN başçısının ABŞ-a səfəri çərçivəsində baş tutacaq.
Katib Blinken və Ermənistanın xarici işlər naziri Mirzoyan Strateji Mülki Nüvə Əməkdaşlığına dair Anlaşma Memorandumu imzalayacaqlar.
Ermənistan XİN başçısı səfəri çərçivəsində USAİD-in direktoru Samata Pauer, ABŞ Prezidentinin xüsusi köməkçisi Amanda Sloatla da görüşəcək.
Mirzoyan mayın 6-dək ABŞ-da səfərdə olacaq.