Yeni Zelandiya AUKUS üçtərəfli alyansına qoşulmaq niyyətində deyil.
APA xəbər verir ki, bu barədə ölkənin Xarici İşlər Nazirliyindən məlumat verilib.
“Yeni Zelandiyaya AUKUS-a qoşulmaq üçün heç bir dəvət yoxdur və bunu etmək planımız da yoxdur”,- deyə məlumatad bildirilir.
Nazirlik bildirib ki, Vellinqton AUKUS-a qoşulmaq niyyətində olmasa da, onun bu birliyin bütün üzvləri ilə müdafiə və təhlükəsizlik sahəsində məlumat mübadiləsi mexanizmləri var.
“Bu kontekstdə biz artıq Böyük Britaniya, ABŞ və Avstraliya ilə AUKUS-un inkişaf planlarına daxil olan kibertəhlükəsizlik kimi sahələrdə yaxından işləyirik. Biz bu sahələrdə necə qarşılıqlı fəaliyyət göstərə biləcəyimizi müzakirə etməyə davam edəcəyik”, - deyə Yeni Zelandiya Xarici İşlər Nazirliyinin bəyanatında bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
