Xəbərlər

““Azəriqaz” İstehsalat Birliyi olaraq Bakı şəhərində fəaliyyət göstərən 3 “ASAN Kommunal” mərkəzində, regionlarda xidmət göstərən 14 “ASAN xidmət” mərkəzində abonentlərə 21 növ fərqli xidmət göstəririk. Abonent məmnunluğunun artırılması səbəbi ilə yaxın günlərdə daha bir yenilik abonentlərin xidmətində olacaq”.

APA TV xəbər verir ki, bu sözləri “Azəriqaz” İstehsalat Birliyinin Müştəri xidməti şöbəsinin rəisi Fərid Mustafazadə “Açıq qapı” aksiyası çərçivəsində media nümayəndələri ilə keçirilən görüş zamanı bildirib.

Şöbə rəisinin sözlərinə görə, göstərilən 21 xidmətin vətəndaşlar tərəfindən ən çox istənilən 8-i barədə, istənilən şəxs yaxın zamanda elektron xidmət formasında qurumun rəsmi internet səhifəsinə müraciət edərək heç bir yerə getmədən, vaxt itirmədən gün ərzində həmin xidməti tam şəkildə elektron qaydada geri ala biləcək.

Birliyin Sayğacların tətbiqi, idarə olunması və nəzarəti şöbəsinin rəisi Rövşən Məhyəddinov isə ağıllı sayğacların quraşdırılması, həmin sayğacların harada istehsal olunması ilə bağlı suala aydınlıq gətirib.

RÖVŞƏN MƏHYƏDDİNOV - “AZƏRİQAZ” İSTEHSALAT BİRLİYİNİN ŞÖBƏ RƏİSİ

“Bu işlərə 2021-ci ildə başlanılıb. İlk növbədə pilot layihə olaraq bu qurğuların hündür mərtəbəli binalarda quraşdırılması təmin olunub. Bu ilk dəfə olduğu üçün heç də asan proses deyil. Burada proqram təminatının qurulması və s. işlər mərhələli şəkildə görülməlidir. Bu prosesin ilkin olaraq podratçılar tərəfindən MTK tipli binalarda quraşdırıldığından hələki bu qurğuların xaricdən alındığını qeyd edib”.

Birliyin İctimaiyyətlə əlaqələr şöbəsinin rəisi Eldəniz Vəliyev isə regionlarda hələ də bir sıra təhsil ocaqlarının qazlaşdırılmaması ilə bağlı suala aydınlıq gətirib. Şöbə rəisinin sözlərinə görə, bu məsələdə bir sıra problemlə qarşılaşırlar. Bunlardan ən əsası isə ya sənədləşmə, ya da müraciət formalarının düzgün aparılmamasıdır: “Təhsil Nazirliyi səviyyəsində müraciət daxil olmalıdır və bundan sonra biz həmin məktəbin şəraiti ilə tanış oluruq. Əgər orada qazanxana, standartlara uyğun şərait yoxdursa, SOCAR “Azəriqaz” İstehsalat Birliyi olaraq həmin təhsil ocaqlarının qazlaşdırılmasına bizim ixtiyarımız yoxdur. Orada lazımi şəraitin olmaması istənilən an təhlükə yarada bilər.  Baş verə biləcək bədbəxt hadisələrin qarşısını öncədən almaq üçün bu məsələlərə bir az həssas yanaşırıq” – deyə, şöbə rəisi vurğulayıb.

• ABŞ Dövlət Departamenti Co Baydenin 24 aprel açıqlamasına münasibət bildirib
• Deputat: “Bir sıra dövlətlər Azərbaycanın zəfərini qəbul etmək istəmirlər”
• Yeni modul tipli məktəblər QURAŞDIRILACAQ