Gəncədə poliklinikanın tavanı çökdü

# 15:53
24 oktyabr 2022

Gəncə Şəhər Birləşmiş Xəstəxanasının nəzdində fəaliyyət göstərən poliklinika binasında tavan çöküb.

 

APA TV-nin yerli bürosunun xəbərinə görə, hadisə Nizami Ailə Sağlamlıq Mərkəzinin Laboratoriya şöbəsinin otağında qeydə alınıb. Sabah saatlarında anidən tavan hissəsinin torpaq qatı çöküb. Xoşbəxtlikdən heç kim xəsarət almayıb.

 

Hadisədən sonra laboratoriyanın fəaliyyəti digər otağa keçirilib.

 

Hadisənin baş vermə səbəbi araşdırılır.

 

Onu da qeyd edək ki, Nizami Ailə Sağlamlıq Mərkəzi adlandırılan poliklinika binası sovetlər dövründə tikilib. Poliklinikada gündəlik 100-dən artıq şəhər sakininə xidmət göstərilir.

 

FUAD NAZİMOĞLU, MEHDİ MƏMMƏDOV, APA TV, GƏNCƏ

 

#
#

ƏMƏLİYYAT İCRA OLUNUR