Xəbərlər

Kadırov Zelenskini təhqir etdi və müharibənin bitəcəyi tarixi açıqladı

14:43

18 aprel 2022

Çeçenistan rəhbəri Ramzan Kadırov özünün “telegram” kanalında Ukrayna prezidenti Volodimir Zelenskiyə növbəti dəfə müraciət ünvanlayıb. O bildirib ki, mesajın yayımlanmasına səbəb Zelenskinin Ukraynanın Rusiya ilə daha 10 il mübarizə aparacağını söyləməsi olub.

“Mən burada oxudum ki, Zelenski 10 il döyüşməyə hazır olduğunu bəyan edib. Bizim o qədər vaxtımız yoxdur. Bir neçə günə bitirəcəyik. Məncə, siz şizofrensiniz. Böyük qardaşın Baydenin yanına get”, deyə Kadırov Ukrayna prezidentini hədələyib.

Xatırladaq ki, bundan əvvəl də Çeçenistan lideri videomüraciətində bildirmişdi ki, indi Ukraynada “xüsusi əməliyyat” başlayır və çeçen hərbçilərin “yaxşı nəticələr”i olacaq.

Fuad Sadıqov

APA TV