Kriminal avtoritet azərbaycanlı iş adamına niyə işgəncə verdi? - SƏBƏB

# 12:33
21 aprel 2022

“Arman Dikiy” kimi tanınan Qazaxıstanlı kriminal avtoritet Arman Cumageldiyevlə bağlı yeni bir cinayətin üstü açılıb.

 

APA TV-nin xəbərinə görə, ötən il Türkiyənin İstanbul şəhərində biri rusiyalı, digəri azərbaycanlı olmaqla iki iş adamını qaçıraraq işgəncəyə məruz qoyan şəxsin “Arman Dikiy” olduğu məlum olub.

 

Məlumata görə, qazaxıstanlı avtoritet 2021-ci ilin mayın 25-də həmin şəxslərə işgəncə edərək onların bir milyondan çox vəsaitini ələ keçirib. İddiaya görə, bütün bunlar Bakırköydə yerləşən “Sea Pearl” yaşayış kompleksində baş verib.

 

Həmin vaxt hadisə ilə əlaqədar 7 nəfər saxlanılıb.

 

Türkiyə polisi hadisə ilə əlaqəsi olan daha 8 şübhəlini müəyyənləşdirib. Qazax və çeçen olan bu şəxslərin saxlanılması üçün aprelin 12-də əməliyyat keçirilib.

 

Şübhəlilərdən 7 sənədsiz tapança götürülüb. Saxlanılanlardan 4-ü barəsində həbs qərarı çıxarılıb, qalanları isə sərbəst buraxılıb. “Arman Dikiy” barəsində isə axtarış elan edilib.

 

Qeyd olunur ki, o, hadisədən sonra ölkəsinə qayıdıb.

 

Əlavə edək ki, Arman Cumageldiyev Qazaxıstanda baş verən iğtişaşlar zamanı saxlanılmışdı. Sonradan onun təcridxanadan yoxa çıxması ilə bağlı xəbərlər də yayılmışdı.

 

#
#

ƏMƏLİYYAT İCRA OLUNUR