Mustafa Kamal Atatürkün xatirəsi anılıb

# 18:43
10 noyabr 2021

Türkiyənin Gəncədəki Baş Konsulluğunda Mustafa Kamal Atatürkün vəfatının 83-cü il dönümü ilə bağlı anım tədbiri keçirilib.

APA TV xəbər verir ki, tədbirdə Baş konsul Zeki Öztürk, türkiyəli iş adamları, ziyalılar, Gəncədə təhsil alan türk tələbələr iştirak ediblər. Əvvəlcə Mustafa Kamal Atatürkün və Vətən uğrunda canlarından keçmiş şəhidlərin xatirəsi bir dəqiqəlik sükutla yad edilib, daha sonra Türkiyə və Azərbaycanın dövlət himnləri səsləndirilib.

Türkiyənin Gəncədəki baş konsulu Zeki Öztürk bildirib ki, Osmanlı dövlətinin səylərinə baxmayaraq, ölkə xarici və daxili təzyiqlər, eləcə də Birinci Dünya müharibəsinin nəticələrinə görə çox acınacaqlı durumda olub. Mustafa Kamal Atatürk belə bir şəraitdə xalqı səfərbər edərək milli mübarizəyə başlayıb.

Baş konsul Atatürkün heç bir beynəlxalq gücün hegemonluğunu qəbul etmədiyini, yalnız xalqın iradəsinə, gücünə, mətinliyinə, fədakarlığına, qəhrəmanlığına arxalandığını qeyd edib.

 

 

#
#

ƏMƏLİYYAT İCRA OLUNUR