Partiya sədri VƏFAT ETDİ

# 13:11
6 oktyabr 2022

Azərbaycan Sosial Demokrat Partiyasının sədri, sabiq deputat Araz Əlizadə bu gün gecə saatlarında vəfat edib.

 

Bu barədə APA-ya mərhumun oğlu xəbər verib.

 

O bildirib ki, onkoloji xəstəlikdən əziyyət çəkən atası bu gün günorta saatlarında Yasamal qəbiristanlığında dəfn ediləcək.

 

Araz Məmməd Mübariz oğlu Əlizadə 1951-ci il noyabrın 3-də Bakı şəhərində alim ailəsində doğulub. 1974-cü ildə Azərbaycan Dövlət Universitetinin Şərqşünaslıq fakültəsini bitirib. 1975–1976-cı illərdə Əfqanıstanda tərcüməçi işləyib.

 

1985-ci ildə siyasi baxışlarına görə mühakimə olunub.

 

1988-ci il mayın 16-da və 18-də Qarabağın müdafiəsi üçün Bakı şəhərində keçirilən ilk kütləvi mitinqlərin təşkilatçısı olub, 1989-cu ildən Azərbaycan Sosial Demokrat Partiyasının sədri, 1995-ci ildən 2012-ci ilə qədər Azərbaycan Sosial Demokrat Partiyasının həmsədri, 2012-ci il iyunun 30-da keçirilən partiyanın XII qurultayında Azərbaycan Sosial Demokrat Partiyasında həmsədr institutu ləğv ediləndən və sədr institutu bərpa ediləndən sonra – sədri olub.

 

1991–1995-ci illərdə Azərbaycan Ali Sovetinin deputatı, 1991-ci ildə Azərbaycan Respublikasının "Respublika Müdafiə Şurası"nın üzvü olub. V Çağırış Milli Məclisin deputatı olub.

 

#
#

ƏMƏLİYYAT İCRA OLUNUR