Xəbərlər

Səfirdən Azərbaycanla bağlı xoş sözlər: “Qardaşlığımız əbədidir” - APA TV

15:12

27 oktyabr 2022

“Azərbaycan Prezidenti cənab İlham Əliyev Pakistanı Kəşmir məsələsində hər zaman dəstəkləyir. Bu, bizim üçün olduqca əhəmiyyətlidir”.

APA TV xəbər verir ki, bunu Pakistanın Azərbaycandakı səfiri Bilal Hayee səfirlikdə keçirilən “Kəşmirin qara günü” adlı tədbirdə deyib. Onun sözlərinə görə bu problemlə bağlı Pakistan daim Azərbaycan xalqının, dövlətinin dəstəyini hiss edib. O, eyni zamanda 44 günlük Vətən Müharibəsindən sonra regionda Azərbaycanın çəkisinin artdığını, rəsmi Bakının mövqeyinin xüsusi yer tutduğunu bildirib.

Səfir Pakistanla Azərbaycanın bir-birini dəstəkləməsinin təsadüfi olmadığını da fikirlərinə əlavə edib:

“Azərbaycan da eyni taleyi yaşayıb. Biz hər zaman azərbaycanlı qardaşlarımızın yanında olmuşuq və olacağıq”. Sİtatın sonu

Tədbirdə çıxış edən qonaqlar Kəşmirin tarixi, konfliktin səbəbləri və həlli yolları barədə ətraflı müzakirə aparıblar.