Şəkidə ana və 7 yaşlı qızını maşın vurub

# 18:08
1 noyabr 2022

Şəkidə ana və azyaşlı övladını avtomobil vurub.

 

APA TV-nin Şimal-qərb bürosunun məlumatına görə, hadisə bu gün səhər saatlarında Şəki şəhəri M.F.Axundov prospektində baş verib. Rayon sakini Tural Məmmədov idarə etdiyi “VAZ 2107” markalı minik avtomobili ilə şəhər sakinləri - 1988-ci il təvəllüdlü Nahidə Rəsul qızı Rəhimova və onun 7 yaşlı övladı Yağmur Vüsal qızı Rəhimzadəni vurub.

 

Qəza zamanı müxtəlif dərəcəli bədən xəsarətləri alan Nahidə Rəhimova və qızı Şəki Rayon Mərkəzi Xəstəxanasına yerləşdiriliblər, vəziyyətləri orta-ağır qiymətləndirilir.

 

Hadisə baş verən zaman Nahidə Rəhimova övladını məktəbə aparırmış.

 

Faktla bağlı Şəki Şəhər-Rayon Polis Şöbəsində araşdırma aparılır.

 

Vüqar Heydərov, APA TV

#
#

ƏMƏLİYYAT İCRA OLUNUR