ŞUŞADA namaz qılmaq istəyirəm - Erməni qadın prezidentimizə müraciət etdi - APA TV

# 17:39
9 avqust 2022

 

Aqunik Abovyan adlı erməni qadın Prezident İlham Əliyevə rus dilində müraciət ünvanlayıb. APA TV xəbər verir ki, o müraciətini sosial şəbəkə üzərindən paylaşıb. Abovyan müraciətində prezident İlham Əliyevdən Bakıya və Şuşada gəlməsi üçün icazə verməsini istəyib. Üstəlik islamı qəbul etdiyini deyən qadın Şuşada namaz qılmaq arzusunda da olduğunu bildirib. Onun sözlərinə görə, Azərbaycanda olmaq, həyat yoldaşının və dostlarının vətənini görmək onun ən böyük arzusudur: “Çox hörmətli İlham Əliyev, səsimi eşidəcəksinizsə, sizdən çox xahiş edirəm. Mənim böyük arzum var. Arzum sizin üçün çox kiçik görünə bilər, amma bu mənim üçün çox böyükdür. İcazə verin Azərbaycana gəlim, gözəl şəhərinizi gəzim. İstəyirəm ki, yoldaşımın və dostlarımın vətənini görüm. Mənim bir arzum da var. Qarabağda, Şuşada olmaq, orada namaz qılmaq istəyirəm. Əgər bu mümkündürsə, çox xahiş edirəm icazə verəsiniz”. Xatırlayaq ki, bir neçə gün öncə Ermənistan vətəndaşı Vaqe Qanbaryan da Azərbaycan Prezidenti İlham Əliyevə video müraciət ünvanlamışdı. O isə müraciətində Azərbaycan vətəndaşlığını qəbul etmək, Bakıya gəlib yaxınları və dostları ilə görüşmək istədiyini, Xankəndidə yaşamaq istədiyini bildirmişdi.

#
#

ƏMƏLİYYAT İCRA OLUNUR