“TikTok”da videopaylaşdığı üçün İŞDƏN ÇIXARILDI

# 11:49
18 oktyabr 2022

Dünyanın ən böyük şirkətlərindən biri “Apple” işçisini “TikTok”da video paylaşdığına görə işdən çıxarıb.  

 

APA TV Lent.az-a istinadən xəbər verir ki, şirkətin marketinq departamentində çalışan Nylah Bun adlı gənc qız videosu sosial şəbəkələrdə gündəm olduqdan sonra işini itirib. 

 

Belə ki, Bun “TikTok”da videosunu “Texnologiya sahəsində işləyən qaradərili qızın həyatından bir gün” adı altında paylaşıb. O, görüntülərdə şirkət daxilində heç bir gizli məlumatı paylaşmayıb, hər hansı hadisəni açıqlamayıb. Video sadəcə “Apple”dakı ofisində lentə alınıb. 

 

O bildirib ki, bunu sadəcə qaradərili qadınlara dəstək məqsədi üçün paylaşıb. Belə qadınların da bu cür karyera qura biləcəklərini göstərməyə çalışıb. 

 

Qeyd edək ki, şirkətdə bu ilk belə hadisə deyil. Daha əvvəl işçilərdən biri “TikTok”da video paylaşdığı üçün işdən qovulacağı ilə hədələnmişdi.

 

#
#

ƏMƏLİYYAT İCRA OLUNUR