Azərbaycan fındıq ixracını yaxın 3-4 il ərzində 36%-dən çox artırmağı hədəfləyir.
"APA-Economics"in məlumatına görə, bunu Azərbaycan Fındıq İstehsalçıları və İxracatçıları Assosiasiyasının sədri İsmayıl Orucov deyib.
"Azərbaycan hazırda ildə 22 min ton fındıq ləpəsi ixrac edir. Yaxın 3-4 ildə 30 min tonu keçəcəyik. Bu da ildə orta hesabla 160-200 mln. ABŞ dolları deməkdir", - deyə İ. Orucov bildirib.
Onun sözlərinə görə, fındıq ağacları gec məhsuldarlıq verdiyi üçün 10 il sonra fındıq ixracında kəskin artım müşahidə etmək mümkün olacağı istisna deyil.