Azərbaycana yanvar-oktyabrda 1,3 mlrd. dollardan çox yeyinti məhsulları idxalı edilib

Azərbaycana yanvar-oktyabrda 1,3 mlrd. dollardan çox yeyinti məhsulları idxalı edilib
  • Clock-gray 17:50
  • calendar-gray 16 Noyabr 2020

Bu ilin yanvar-oktyabr aylarında Azərbaycana idxal olunan yeyinti məhsullarının dəyəri 1 332 904,19 min ABŞ dollarına bərabər olub.

Dövlət Gömrük Komitəsindən "APA-Economics"ə verilən məlumata görə, cari ilin 10 ayında yeyinti məhsulları üzrə idxalın həcmi ötən ilin analoji dövrünə nisbətən 0,7% azdır.

Ümumiyyətlə, yanvar-oktyabr aylarında qida məhsullarının ümumi ölkə idxalında çəkisi 15,2% təşkil edib.

Hesabat dövründə ölkəyə 65 962,18 min dollar dəyərində 36 163,42 ton ət idxal edilib ki, bu da ötən ilin eyni dövrünün göstəricisini müvafiq olaraq dəyər göstəricisi üzrə 2,8% çox, həcm göstəricisi üzrə isə 13,4% azdır.

Cari ilin yanvar-oktyabr ayları ərzində ölkəyə 13 413,52 min dollar dəyərində (artım 17,6%) 8 304,56 ton (artım 18,6%) süd idxal olunub.

Ölkəyə həmçinin 67 486,56 min dollar dəyərində 13 707,50 ton kərə yağı və süddən hazırlanan digər yağlar idxal olunub ki, bu da müvafiq olaraq 18,6% və 23% çoxdur.

Hüseyn Vəliyev

Digər xəbərlər