Bu ilin sentyabr ayının sonu – oktyabr ayının əvvəlində Bakıda növbəti bal yarmarkası təşkil olunacaq.
Bunu "APA-Economics"ə Azərbaycan Arıçılar Assosiasiyasının sədri Bədrəddin Həsrətov deyib.
Onun sözlərinə görə, yarmarkanın keçirilməsi ilə bağlı "Aqrar Tədarük və Təchizat" ASC ilə müzakirələr aparılıb: "Yarmarkaya hazırlıq işlərinə artıq start verilib. Bu istiqamətdə görüləcək işlər çərçivəsində yarmarkanın keçiriləcəyi yeri təyin olunacaq və bir sıra yeni qaydalar hazırlanacaq. Biz tərəfdən artıq müvafiq təkliflər irəli sürülüb və bu təkliflər həm Assosiasiya, həm də "Aqrar Tədarük və Təchizat" tərəfindən müzakirə olunacaq".
Assosiasiya sədri əlavə edib ki, yarmarkada iştirak qaydalarının təkmilləşdirilməsi məqsədilə müəyyən dəyişikliklər gözlənilir ki, bu barədə qərar yekun müzakirələrdən sonra veriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
