May ayının sonunda ölkə üzrə taxıl yığımına başlanılacaq. “APA-Economics”in məlumatına görə, bunu “Pandemiya zamanı və sonrakı dövrdə ərzaq təhlükəsizliyi” mövzusunda keçirilən online görüşü zamanı Kənd Təsərrüfatı Nazirliyinin Beynəlxalq əlaqələr şöbəsinin protokol sektor müdiri Toğrul Qafarbəyli deyib.
Onun sözlərinə görə, hazırda taxıl əkini sahəsi 1 milyon hektardan çoxdur ki, bunun 369 min hektarı arpa, 641 min hektarı isə taxıldır.
“Ötən ilə nisbətən əkin sahələri, kombaynların sayı artıb, yığım prosesi isə avtomatlaşdırılıb. Belə ki, ümumilikdə taxıl yığımına 1700 ədəd kombayn cəlb olunacaq. Onlardan 728-i “Aqrolizinq” tərəfindən verilir. Yığımla bağlı əlavə olaraq 125 yeni kombayn alınacaq. Düzgün lokalizasiya və arialların düzgün bölünməsindən sonra kombaynların iş prosesi qurulacaq və qısa müddətdə, vaxtına uyğun olaraq məhsul yığılacaq”, - deyə T. Qafarbəyli qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
