Azərbaycanda bu il 500 fermerə 15 mln. manat kredit verilib

Azərbaycanda bu il 500 fermerə 15 mln. manat kredit verilib
  • Clock-gray 14:43
  • calendar-gray 05 Sentyabr 2019

Bu il Azərbaycanda aqrar sahədə nağd kreditlərin məbləği 15 mln. manatın üzərindədir və təxminən 500 fermer bu kreditlərdən yararlanıb.

"APA-Economics"in məlumatına görə, bunu jurnalistlərə açıqlamasında Aqrar Kredit və İnkişaf Agentliyinin sədri Mirzə Əliyev deyib.

Onun  sözlərinə görə, əsas maraqlı göstərici ondan ibarətdir ki, artıq fermerlərə banklar tərəfindən kiçik həcmli kreditlərin də, yəni 20-35 min manat həcmində olan kreditlərin də verilməsinə başlanılıb.

"Bu onun göstəricisidir ki, artıq banklarda təcrübə formalaşıb və onlar fermerlərə kreditlərin verilməsində  maraqlıdır. Yəni əvvəllər bu rəqəmlər çox məhdud sayda, təxminən 200 min manat ətrafında dəyişən kreditlər idisə, indi kreditlər kiçik fermerlər üçün də əlçatan olub", - deyə M. Əliyev qeyd edib.

Hüseyn Vəliyev

Digər xəbərlər

Arxiv

date