Nazirlər Kabineti “Fitosanitar nəzarəti sahəsində bəzi normativ hüquqi aktların təsdiq edilməsi haqqında” qərarda dəyişiklik edib.
APA-nın xəbərinə görə, qərara əsasən, “Fitosanitar nəzarəti sahəsində bəzi normativ hüquqi aktların təsdiq edilməsi haqqında”nda dəyişiklik edilib.
Qərarda Azərbaycan Respublikası ərazisində aşkar edilməyən, karantin tətbiq edilən zərərli orqanizmlər üzrə siyahıya Nematodlar hissəsinin əlavə edilməsi, Həşəratlar, Bakteriyalar, Göbələklər, Virus, mikoplazma və viroidlər, Alaq otları və parazit bitkilər, hissəsinə əlavə və dəyişikliklərin edilməsi və Azərbaycan Respublikası ərazisində məhdud dairədə yayılmış karantin tətbiq edilən zərərli orqanizmlər üzrə siyahıya isə Nematodlar, Bakteriyalar, Göbələklər, Viruslar hissəsinin əlavə edilməsi, Həşəratlar hissəsinə əlavə və dəyişikliklərin edilməsi nəzərdə tutulur.
Qərarın qəbul edilməsi ilə Azərbaycan Respublikası ərazisində aşkar edilməyən və Azərbaycan Respublikası ərazisində məhdud dairədə yayılmış, ölkə üçün potensial təhlükə törədə bilən, karantin tətbiq edilən zərərli orqanizmlərin mövcud siyahısı yenilənib.
Qərar fitosanitar nəzarəti sahəsində sabitliyin təmin olunması, zərərli orqanizmlərin yayılmasının qarşısının alınması və onlarla effektiv mübarizə işlərinin daha yaxşı təşkilinə imkan yaradır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
