Azərbaycanda bu gün təxminən 5 faiz idarəolunan suvarma sistemlərindən istifadə olunur.
APA xəbər verir ki, bunu kənd təsərrüfatı naziri Məcnun Məmmədov Aqrar İnnovasiyalar Forumunda çıxışı zamanı deyib.
O bildirib ki, bu rəqəm kifayət qədər azdır:
"Bizim ana hədəflərimizdən biri bunun miqyasını genişləndirməkdir. Həmçinin qlobal istiləşmənin də kənd təsərrüfatına mənfi təsirləri var. Bu haxımdan suyun düzgün formada idarə edilməsi olduqca əhəmiyyətlidir".