“Yevlax Pilot Aqropak”da tez yetişən, məhsuldarlığı yüksək olan və daha çox gəlir gətirən nektarin, şaftalı və ərik sortları əkiləcək.
İqtisadi Zonaların İnkişafı Agentliyindən “APA-Economcis”ə verilən məlumata görə, bu işlərin həyata keçirilməsində İspaniyadan olan mütəxəssislərin təcrübəsindən istifadə edilməsi planlaşdırılır.
Agentlikdən bildirilib ki, bu istiqamətdə İspaniyanın kənd təsərrüfatı sahəsində ixtisaslaşan “PSB Production Vegetal” şirkətinin təcrübəsi öyrənilib.