İraqın paytaxtı Bağdadda hərbi posta edilən hücum nəticəsində 11 nəfər həlak olub, 8 nəfər yaralanıb.
APA-nın "Al-Jazeera"ya istinadən verdiyi xəbərə görə, paytaxtın cənub-qərbində əl-Radhvaniya bölgəsindəki posta hücum edilib.
Mənbələr bildirib ki, dörd avtomobildə hücum edən naməlum şəxslər, qumbara və avtomatlardan istifadə ediblər.
Ordu və polis qüvvələri hücumda məsuliyyət daşıyan şəxslərin axtarışına başlayıb.