İranın Xarici İşlər naziri Məhəmməd Cavad Zərif Səudiyyə Ərəbistanının XİN başçısı Feysəl bin Fərhan əl-Səudun ölkəsinin rəsmi Tehranla danışıqlara hazır olduğuna dair açıqlamasına münasibət bildirib.
APA-nın Tehran bürosunun məlumatına görə, Cavad Zərif özünün “Twitter” səhifəsində İranın qonşu ölkələrlə danışıqlara həmişə açıq olduğunu qeyd edib.
"İran bölgənin mənafeyi və sabitliyi üçün atılacaq hər bir addımı dəstəkləyir və xalqlara ümid verəcək hər bir addıma şərik olmağa hazırdır”, - deyə İran XİN başçısı vurğulayıb.
Xatırladaq ki, ötən gün Səudiyyə Ərəbistanının XİN başçısı Feysəl bin Fərhan əl-Səud Davos İqtisadi Forumunda çıxışı zamanı ölkəsinin İranla danışıqlara hazır olduğunu bildirərək bu məsələnin İrandan asılı olduğunu bəyan edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
