Bu gün səhər saatlarında Hindistanda yol qəzası baş verib, ən azı 9 nəfər ölüb, 3 nəfər xəsarət alıb.
APA-nın xəbərinə görə, bu barədə “The Times of India” qəzeti yerli polisə istinadən məlumat yayıb.
Bildirilib ki, yol qəzası Hindistanın şimalında Uttar-Pradeş ştatında, Aqra şəhərində qeydə alınıb.
İlkin məlumata görə, minik avtomobilinin sürücüsü idarəetməni itirib, nəticədə avtomobil qarşıdan gələn yük avtomobili ilə toqquşub.
9 nəfər yerində ölüb, yaralılar xəstəxanaya yerləşdirilib.